10.10.2026 | 12:14
Երևանի Կենտրոնում ազոտի երկօքսիդի պարունակությունը 4 օր գերազանցել է թույլատրելի սահմանը
ՎԶԵԲ-ի նախագահը հաջորդ շաբաթ կայցելի Հարավային Կովկասի երկրներ
Քաղաքականություն
07.09.2022 | 20:13
Վերակառուցման և զարգացման եվրոպական բանկի (ՎԶԵԲ) նախագահ Օդիլ Ռենո-Բասսոն սեպտեմբերի 12-16-ն այցելելու է Հարավային Կովկասի երկրներ։ Այս մասին հայտնում է Business Media Georgia-ն։
Այցի նախօրեին Ռենո-Բասսոն առցանց հանդիպումներ է ունեցել Ադրբեջանի, Վրաստանի և Հայաստանի քաղաքացիական հասարակության մի խումբ ներկայացուցիչների հետ։
Նշենք, որ սա լինելու է Ռենո-Բասսոյի առաջին այցը տարածաշրջան 2020 թվականի վերջին պաշտոնը ստանձնելուց հետո: Սկզբում նա կայցելի Ադրբեջան, Վրաստան և շրջագայությունը կավարտի Հայաստանում։
«Ես շատ եմ սպասում Կովկաս այցելությանը, որտեղ 30 տարվա աշխատանքի ընթացքում ՎԶԵԲ-ը հասել է նշանակալի արդյունքների։ Չնայած իր փոքր չափերին՝ տարածաշրջանը մնում է մեզ համար կարևոր ներդրումային ուղղություն, որտեղ մենք արդեն ներդրել ենք ավելի քան 10 միլիարդ եվրո։ Այցի ընթացքում ես կկրկնեմ մեր աջակցությունը տարածաշրջանին և նրա կանաչ անցման ծրագրին, ինչպես նաև տրանսպորտային բարելավմանը, կայուն ենթակառուցվածքին և քաղաքական երկխոսությանը: Ես կհանդիպեմ նաև մեր գործընկեր ֆինանսական հաստատությունների հետ՝ քննարկելու մասնավոր հատվածին, ներառյալ՝ փոքր և միջին ձեռնարկություններին հետագա աջակցությունը»,- ասել է Օդիլ Ռենո-Բասսոն։
Էմմա Չոբանյան
