27.02.2026 | 19:45
«Իրենց զոն նայող են հռչակել». կալանավորն ահազանգում է կյանքին սպառնացող վտանգի մասին․ ՏԵՍԱՆՅՈՒԹ
Ուկրաինայում կալանավորված Արցախյան 44-օրյա պատերազմի մասնակից ադրբեջանցու գործով հերթական դատական նիստն է տեղի ունեցել
Քաղաքականություն
07.09.2022 | 21:40
Ուկրաինայում տեղի է ունեցել կալանավորված ադրբեջանցիների գործով հերթական դատավարությունը, որոնցից մեկը Արցախյան 44-օրյա պատերազմի մասնակից է, գրում են ադրբեջանական լրատվամիջոցները։
Նշվում է, որ Կիևի Վերաքննիչ դատարանում տեղի է ունեցել Ադրբեջանի կալանավորված քաղաքացիների՝ Արցախյան պատերազմի մասնակից Միսիր Գասիմլիի և Սուբհան Գուլիևի գործով հերթական նիստը։ Ամբաստանյալները չեն մասնակցել նիստին։
Ուկրաինայում ադրբեջանական համայնքի ներկայացուցիչ Ֆաիլ Աբիդովը հայտարարել է, որ նիստը հետաձգվել է մինչև սեպտեմբերի 27-ը, քանի որ պաշտպանական կողմը բողոքարկել է դատավարությունն առանց ամբաստանյալների անցկացնելու դեմ։
Դատավարությանը մասնակցել են ձերբակալվածների հարազատներն ու ադրբեջանական համայնքի ակտիվիստները։
Նշվում է, որ ամբաստանյակները 1 տարի 4 ամիս է՝ կալանավորված են։ Արցախյան պատերազմի մասնակից Գասիմլին նույնիսկ հացադուլ է հայտարարել՝ ի նշան բողոքի։
Ուշագրավն այն է, որ այս ամենում ադրբեջանցիները հայկական հետք են փնտրում։ Մասնավորապես, Միսիր Գասիմլիի քույրը հայտարարել էր, որ, իբր, «հայերի միջամտության պատճառով դատական գործընթացը ձգձգվում է»։ Նա նշել է, որ իր եղբոր կողմից Արցախյան երկրորդ պատերազմի ընթացքում արված տեսանյութերը հարուցել են Ուկրաինայի հայերի դժգոհությունը։
Էմմա Չոբանյան
