30.04.2026 | 16:58
Մերաբ Դվալիշվիլին հայտնել է՝ թե ինչու է հրաժարվել RAF-ում մենամարտել Արման Ծառուկյանի հետ
Լեհաստանի ՊՆ-ն հայտարարել է ռուսական ներխուժման վտանգի մասին
Քաղաքականություն
07.09.2022 | 18:22
Առաջիկա տարիներին Ռուսաստանի կողմից Լեհաստան ներխուժելու «լուրջ վտանգ» կարող է առաջանալ։ Այս մասին հայտարարել է երկրի պաշտպանության փոխնախարար Մարսին Օչեպան, փոխանցում է korresoondent-ը։
«Ռուսաստանի հետ պատերազմի լուրջ վտանգ կա, որին մենք կբախվենք 3-ից 10 տարի ընկած ժամանակահատվածում»,- ասել է նա։
Օչեպայի խոսքով՝ հենց այդքան ժամանակ կպահանջվի Ռուսաստանի Դաշնությունից՝ Ուկրաինայի դեմ համապարփակ պատերազմից հետո վերականգնելու իր ռազմական ներուժը։
Լեհ պաշտոնյայի խոսքով՝ երկրի պաշտպանական բյուջեի նախագծով հաջորդ տարվա համար նախատեսվում է ռեկորդային ծախսեր բանակի վրա՝ ավելի քան 97 միլիարդ զլոտի (750 միլիարդ գրիվնա): Արտաբյուջետային նոր մեխանիզմի՝ Զինված ուժերի աջակցության հիմնադրամի համաձայն՝ նախատեսվում է օգտագործել 30-40 միլիարդ զլոտի (210-310 միլիարդ գրիվնա):
Տաթև Ֆռանգյան
