24.03.2026 | 18:20
Զարմանում եմ՝ ո՞նց կարող է մարդ իր դեմ ցուցմունք տալ, այն էլ ԱԺ ամբիոնից․ Լիլիթ Մինասյանը՝ Արծվիկ Մինասյանին․ ՏԵՍԱՆՅՈՒԹ
Մանվել Գրիգորյանի եղբորորդին հրավիրվել է Գլխավոր դատախազություն
Հասարակություն
07.09.2022 | 15:42
ՀՀ նախկին պատգամավոր, «Երկրապահ» կամավորների միության նախկին նախագահ, գեներալ Մանվել Գրիգորյանի եղբորորդին՝ Արշալույս համայնքի նախկին ղեկավար Զարզանդ Գրիգորյանը և նրա հետ փոխկապակցված երկու անձինք՝ Թամարա և Կարինե Գրիգորյանները հրավիրվել են ՀՀ դատախազության Ապօրինի ծագում ունեցող գույքի բռնագանձման գործերով վարչություն։ Այս մասին Factor.am-ը տեղեկանում է «Ազդարար» պաշտոնական հայտարարությունների կայքից:
Հիշյալ անձինք ծանուցագիրը ստանալու պահից մեկ ամսվա ընթացքում կարող են ներկայանալ ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչություն՝ ծանոթանալու ուսումնասիրության նյութերին, ներկայացնելու դիրքորոշում, ինչպես նաև հայտարարագիր: Ըստ Դատախազության՝ Գրիգորյանները պետք է ներկայանան այսօր։
Հիշեցնենք՝ ապօրինի գույքի բռնագանձման գործով են անցնում նաև Մանվել Գրիգորյանի ընտանիքի 10 անդամները։ Գլխավոր դատախազությունը դատարանից պահանջում է գեներալ-լեյտենանտ Մանվել Գրիգորյանի ընտանիքից բռնագանձել 28 անշարժ գույք, 16 մեքենա, ինչպես նաև ավելի քան 700 միլիոն դրամ, որը ևս ապօրինի ծագման է համարում։ Հայցադիմումը դատարանն արդեն իսկ վարույթ է ընդունել։
Ռոզա Վարդանյան
