06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Չեք վախենո՞ւմ, որ կընկնեք պատժամիջոցների տակ. հարց՝ Նիկոլ Փաշինյանին․ՏԵՍԱՆՅՈՒԹ
Քաղաքականություն
07.09.2022 | 14:33
Արևելյան տնտեսական ֆորումի շրջանակներում ՀՀ վարչապետ Նիկոլ Փաշինյանը խոսել է պատժամիջոցների թեմայից։ Պատասխանելով վարողի հարցին, այն հարցին, թե արդյո՞ք Հայաստանը չի վախենում երկրորդայինն պատժամիջոցների տակ ընկնելուց, Փաշինյանը նշել է, որ վախենալը օգտակար չէ։
«Ես կարծում եմ, որ վախենալը այնքան էլ օգտակար դիրքորոշում չէ։ Պետք է աշխատել կառավարել այն սպառնալիքները, որոնք առաջանում են, և փորձել նկատել այն հնարավորությունները, որոնք բացվում են և աշխատել, որպեսզի նոր հնարավորություններ բացվեն»,-նշել է Փաշինյանը։
Նա հայտարարել է, որ Հայաստանը ևս մտահոգված է պարենային անվտանգության, էներգետիկ անվտանգության հարցերով։
«Մեզ մոտ ևս գնաճը բարձր է և դա ուղղակի ազդում է սոցիալական իրավիճակի վրա։ Սակայն իրավիճակը կառավարելի է։ Խնդիրը կա, սակայն ճգնաժամ չկա։ Դա նաև ՌԴ շնորհիվ։ Տարվա առաջին կեսում կային մտահոգություններ բոլորի մոտ, ոչ միայն ԵՏՄ շրջանակներում, նաև երկկողմ ձևաչափում»,- նշել է Փաշինյանը՝ հավելելով, որ տպավորված է այն օպերատիվությամբ, որով և՛ ՌԴ նախագահ Վլադիմիր Պուտինը ու վարչապետ Միխայիլ Միշուստինը արձագել են այն խնդիրներին, որոնք բարձարցվել են հայկական կողմից։
Էմմա Չոբանյան
