17.12.2025 | 12:25
ՔՊ վարչության մեծ մասը դեմ է քվեարկել իմ թեկնածությանը. Հայկ Սարգսյան․ ՏԵՍԱՆՅՈՒԹ
«Բարև Տիգրանակերտ». Կարո Փայլնանի ուշագրավ գրառումը Twitter-ում
Քաղաքականություն
22.05.2018 | 18:57
Թուրքիայի խորհրդարանի պոլսահայ պատգամավոր Կարո Փայլանը, ով ներկայացնում է քրդամետ ընդդիադիր «Ժողովուրդների դեմոկրատական կուսակցությունը» (HDP-ԺԴԿ), նորից առաջադրվելու է որպես պատգամավորի թեկնածու. տեղեկացնում է ermenihaber-ը:
Առաջադրվելու նույն կուսակցության ընտրացուցակով և Դիարբեքիրից։ Արտահերթ խորհրդարանական ընտրությունները Թուրքիայում կայանալու են հունիսի 24-ին:։
Փայլանը երեք լեզվում (հայերեն, քրդերեն, թուրքերեն) ուշագրավ գրառում է կատարել Twitter միկրոբլոգի իր էջում.
«Բարև, Տիգրանակերտ
Բարև, Ամեդ (Դիարբեքիրի քրդական անվանումը)
Բարև, Դիարբեքիր
Հպարտության զգացում ունեմ, որ Դիարբեքիրից եմ առաջադրվելու որպես պատգամավորի թեկնածու։
Հաջողություն»։
Գրառման տակ բազմաթիվ մարդիկ, այդ թվում Հայաստանից և Թուրքիայից, հաջողություն են մաղթել Փայլանին գալիք ընտրություններում։
Հիշեցնենք, որ Թուրքիայում հունիսի 24-ին կայանալու են նաև արտահերթ նախագահական ընտրություններ։ Արդեն հայտնի է, որ խորհրդարանական ընտրություններին մասնակցելու է նաև մեկ այլ հայ թեկնածու. Մարգար Եսայանն առաջադրվելու է Թուրքիայում իշխող «Արդարություն և զարգացում» (ԱԶԿ-AKP) կուսակցության կողմից:
