21.04.2026 | 23:25
Եթե յուրաքանչյուրին ձայնագրես, ամեն մեկը մի բան կասի. Կարապետյանը՝ «շուն ու շանգյալ» բնորոշման մասին. ՏԵՍԱՆՅՈՒԹ
Պատերազմի հետևանքով Թուրքիայի նավերը 6 ամիս է` արգելակված են ուկրաինական նավահանգիստներում
Քաղաքականություն
02.09.2022 | 20:59
Թուրքիայի 16 նավեր վեց ամիս շարունակ մնացել են ուկրաինական նավահանգիստներում՝ չնայած ՌԴ-ի և Ուկրաինայի միջև հացահատիկային համաձայնագիրը թույլ է տալիս երկրից հացահատիկի արտահանում, գրում է Ahval-ը։
Նշվում է, որ նավերը դեռ չեն փոխակերպվել հացահատիկ տեղափոխելու համար, բեռներ չեն ստացել կամ գտնվում են նավահանգիստներում, որոնք նախատեսված չեն համաձայնագրով։ Հաղորդվում է նաև, որ 21 բեռնանավերից միայն 5-ն են կարողացել վերադառնալ Թուրքիա գործարքի շրջանակում։
Արդյունաբերության ոլորտի պաշտոնյաները կոչ են անում Թուրքիայի կառավարությանը՝ ավելի ինտենսիվ ջանքեր գործադրել խնդրի լուծման համար, որը ֆինանսական կորուստներ է պատճառում ներգրավված ընկերություններին և վատթարացնում բեռների որակը։
Հուլիսի վերջին կնքված համաձայնագիրը նախատեսում էր առաջնահերթություն տալ ուկրաինական նավահանգիստներում մնացած նավերին։ Լրատվամիջոցները նշում են, որ Ro-Ro նավը և լաստանավը խցանված նավերի թվում են։ Դրանք պատկանում են Cenk Ro-Ro ընկերությանը։ Մեկ այլ նավ չի կարող լքել Ուկրաինան, քանի որ բեռնված է երկաթով և պողպատով։
IMEAK-ի նավագնացության պալատի (DTO) ասամբլեայի նախագահ Սալիհ Զեքի Չաքըրն ասել է, որ թուրքական նավերի սեփականատերերը կորցրել են իրենց առևտրի մեծ մասը, ֆինանսական վնասներն ավելանում են, ազգային հարստությունը վատնվում է։
«Նույնիսկ սպասող ամենափոքր նավի օրական կորուստը գերազանցում է 10,000 դոլարը։ Նավատերերը կառավարությունից որևէ աջակցություն չեն ստանում։ Նավատիրոջ պարտքը բազմապատկվում է»,- ասել է Coaster նավերի սեփականատերերի և օպերատորների ասոցիացիայից (KOSDER) մի պաշտոնյա։
Էմմա Չոբանյան
