08.06.2026 | 08:30
Ամփոփվել են 1924 ընտրատեղամասերից ստացված նախնական արդյունքները. ԿԸՀ
Երեխաները պիտի իմանան՝ ունենք դարավոր թշնամի․ Սասուն Միքայելյան․ ՏԵՍԱՆՅՈՒԹ
Քաղաքականություն
01.09.2022 | 14:43
Երևանի թիվ 40 դպրոցում դասասենյակների անվանակոչության արարողություն է. 44-օրյա պատերազմում նահատակված Համլետ Հովհաննիսյանի և Արման Խաչատրյանի անուններով դասասենյակների անվանակոչումով նպատակ է դրված վառ պահել նրանց անունն ու գործը։ Այն դասասենյակները, որտեղ Համլետն ու Արմանն են սովորել, ըստ դպրոցի ղեկավարների, կոգեշնչեն աշակերտներին` լինելու հայրենատեր և ազգային արժեքներն իրենց մեջ կրող քաղաքացիներ։
«Ամեն աշակերտ պիտի հասկանա՝ որտեղից ենք եկել և ուր ենք գնում: Մենք պետք է կարողանանք հայրենանվեր գործեր անել, նաև մխիթարել զավակներ կորցրած ծնողներին, որոնց որդիները զոհվել են ի փառս մեր երկրի»,- լրագրողների հետ զրույցում նշեց ԵԿՄ նախագահ Սասուն Միքայելյանը, ով ևս մասնակցում էր դասասենյակների անվանակոչության արարողությանը:
«Երեխաները պիտի իմանան՝ ունենք դարավոր թշնամի,- ընդգծեց ԵԿՄ նախագահը: – Մենք դա դպրոցից պետք է սովորեցնենք մեր երեխաներին, որովհետև, գիտեք, թշնամու նպատակը մեր ազգին բնաջնջելն է: Մեր աշակերտներին պիտի հայրենասիրությամբ ոգևորենք: Պիտի համախմբվենք, մենք դեռ ճամփա ունենք գնալու, դժվարություններ կան, որոնք պիտի կարողանանք հաղթահարել»:
Մանրամասները՝ տեսանյութում:
