19.04.2026 | 19:07
Վիզաների ազատականացումը ժողովրդավարական ինստիտուտների ամրապնդման գործընթաց է․ ՆԳ նախարար
Փաշինյանը` Ալիևի հետ հանդիպման մասին․ ՏԵՍԱՆՅՈՒԹ
Քաղաքականություն
01.09.2022 | 12:57
«Քննարկումը ծավալուն է եղել»,- այսօր Կառավարության նիստի ընթացքում այս մասին հայտնեց ՀՀ վարչապետ Նիկոլ Փաշինյանը անդրադառնալով Բրյուսելում կայացած եռակողմ հանդիպմանը: Նշենք, որ օգոստոսի 31-ին ԵՄ խորհրդի նախագահ Շառլ Միշելի միջնորդությամբ, տեղի է ունեցել Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը:
«Իհարկե, հասկանալի է, որ քննարկումը հեշտ չէ: Բայց ես ուզում եմ նաև արձանագրել, որ մեր նպատակադրումները շարունակում են մնալ և պիտի շարունակեն մնալ այնպիսին, ինչի մասին ես հայտարարել եմ իմ հրապարակային ելույթներում. ՀՀ կառավարությունը որդեգրել է խաղաղության օրակարգը, և այստեղ էլ մեզ վճռականություն է անհրաժեշտ այդ օրակարգը կյանքի կոչելու համար»,- նշեց Փաշինյանը՝ ահվելելով՝ բոլորս պետք է հականանք, որ դա հեշտ չէ, պարզ չէ, և հնարավոր լուծումներն էլ ակնհայտ չեն:
«Մենք պետք է շարունակենք հետևողական աշխատենք, և նաև կարծում եմ, որ անհրաժեշտություն է և նաև մեր ժողովրդի ցանկությունն է, որ օր առաջ մեր տարածաշրջանում հաստատվի տևական և համապարփակ խաղաղություն. մենք պետք է ավելի ու ավելի շատ կենտրոնանանք այս խնդրի լուծման վրա:
Հաղորդելու այլ մանրամասներ այս պահին պարզապես չկան, որովհետև այն, ինչ պայմանավորվել ենք, համառոտ ներկայացված է: Հետագայում եթե կլինեն մանրամասներ կամ առաջարկներ, թեմաներ, որոնք այնքան հասունացած կլինեն, որ անհրաժեշտ լինի քննարկել կառավարությունում, հանրության հետ, քաղաքական ուժերի հետ, մենք, իհարկե, դա անպայման կանենք»:
Մանրամասները՝ տեսանյութում:
