03.03.2026 | 16:48
Իսրայելում թուրք լրագրողներ են ձերբակալվել հրթիռային հարվածները լուսաբանելիս. ՏԵՍԱՆՅՈՒԹ
Ստամբուլում հանդիպել են Ադրբեջանի և Թուրքիայի ՊՆ ղեկավարները
Քաղաքականություն
31.08.2022 | 18:49
Ստամբուլում քննարկվել է թյուրքական պետությունների պաշտպանական համագործակցությունը։ Թուրքիայի ազգային պաշտպանության նախարար Հուլուսի Աքարը Ստամբուլում հանդիպում է ունեցել բարեկամ և եղբայրական մի շարք թյուրքալեզու երկրների պաշտպանական գերատեսչությունների ներկայացուցիչների հետ, հաղորդում է Անադոլու գործակալությունը։
Հանդիպմանը մասնակցել են Ադրբեջանի պաշտպանության նախարար Զաքիր Հասանովը, Ուզբեկստանի,Ղազախստանի և Ղրղըզստանի պաշտպանության փոխնախարարները, ինչպես նաև միայն Անկարայի կողմից ճանաչված Հյուսիսային Կիպրոսի թուրքական հանրապետության արտգործնախարար Թահսին Էրթուղրուլօղլուն։
Քալենդարի նստավայրի տարածքում քննարկումներ են տեղի ունեցել Թուրքիայի զինված ուժերի գլխավոր շտաբի պետ Յաշար Գյուլենի, ցամաքային զորքերի հրամանատար Մուսա Ավսեվերի, ռազմածովային ուժերի հրամանատար Էրկումենտ Թաթլիօղլուի և ռազմաօդային ուժերի հրամանատար Աթիլլա Գյուլանի մասնակցությամբ։
Տաթև Ֆռանգյան
