29.09.2026 | 10:46
Հայաստանը կընդունի ԱՊՀ մարզական խաղերը
Տիգրան Բալայանը՝ Նիկոլ Փաշինյանի հայտարարության մասին
Քաղաքականություն
22.05.2018 | 11:47
Արցախի՝ բանակցությունների կողմ դառնալու մասին տարիներ շարունակ եղել են պնդումներ և շարունակելու են լինել: Այս մասին այսօր արտաքին գործերի նախարարությունում տեղի ունեցած ասուլիսի ընթացքում հայտարարեց նախարարության մամուլի խոսնակ Տիգրան Բալյանը՝ անդրադառնալով վարչապետ Նիկոլ Փաշինյանի այն հայտարարությանը, որ Արցախը պետք է ներգրավվի բանակցություններում:
«Ինչպես տեղյակ եք՝ արտաքին քաղաքականության վերաբերյալ կա կոնսենսուս: Վարչապետն էլ հայտարարել է՝ արտաքին քաղաքական կուրսը շարունակվում է: Արցախի՝ բանակցություններում ներգրավելու մասին խոսելը նոր բան չէ, տարիներ շարունակ դա ասել ենք և հիմա էլ ասում ենք, պարզապես իրողություններ են փոխվել, այդ մասին խոսել է վարչապետը տարբեր ձևաչափերով, որը ենթադրում է Արցախի ավելի շատ ներգրավում բանակցային գործընթացում»,- մանրամասնեց Տիգրան Բալայանը:
Նշենք, որ ԱԳՆ մամուլի խոսնակ Տիգրան Բալայանը մինչ ասուլիսի մեկնարկը հայտարարեց, որ նախարար Զոհրաբ Մնացականյանի հանձնարարականով պարբերաբար ասուլիսներով է հանդես գալու:
