26.06.2026 | 00:17
Իսրայելի ԱԳ նախարարը նախատեսում է կառավարությանը առաջարկել Հայոց ցեղասպանությունը ճանաչելու բանաձև
Լիտվան ավարտել է Բելառուսի հետ սահմանին պատի կառուցումը
Քաղաքականություն
29.08.2022 | 20:37
Լիտվան ավարտել է Բելառուսի հետ սահմանին պատի կառուցումը, հայտնում է BNS պարբերականը։ Ավելի քան 186 կիլոմետր երկարությամբ ցանկապատի կառուցման համար պահանջվել է հինգ ամիս և 49 հազար տոննա պողպատ։ Որոշ հատվածներ առանձնացվել են փշալարերով։ Նշվում է, որ հանգստյան օրերին Բելառուսի հետ սահմանին տեղադրվել են ցանկապատի վերջին հատվածները:
«Թիմը շարունակում է աշխատել. սահմանին աշխատում են տեխնիկական սպասարկման մասնագետներ, վերացվում են տեղադրված պատնեշի աննշան թերությունները, վերականգնվում են ճանապարհներն ու շինհրապարակները, պահպանվում են նախագծային փաստաթղթերը», – ասել է EPSO-G-ի ներկայացուցիչը, որը զբաղվում է շինարարությամբ։
Լիտվայի և Բելառուսի միջև սահմանի ընդհանուր երկարությունը 679 կիլոմետր է, որից ավելի քան 100 կմ սահմանն անցնում է գետերի և լճերի ափերով։
Տաթև Ֆռանգյան
