08.06.2026 | 08:30
Ամփոփվել են 1924 ընտրատեղամասերից ստացված նախնական արդյունքները. ԿԸՀ
Ուկրաինայի զինված ուժերը հայտարարել է Խերսոնի շրջանում հարձակման անցնելու մասին
Քաղաքականություն
29.08.2022 | 17:41
Ուկրաինայի զինված ուժերը հարձակում է սկսել երկրի հարավում, հայտնել է «Հարավ» անվտանգության և պաշտպանության ուժերի միացյալ մամուլի կենտրոնի ղեկավար Նատալյա Գումենյուկը, փոխանցում է Meduza-ն։
«Ուկրաինայի զինված ուժերը հարձակողական գործողություններ է սկսել Ուկրաինայի հարավի բազմաթիվ շրջաններում, այդ թվում՝ Խերսոնի շրջանում», – ասել է Գումենյուկը (մեջբերում է Strana.ua-ն):
«Կախովկա» օպերատիվ խմբի տվյալներով՝ մարտերի արդյունքում իրենց դիրքերից հետ են քաշվել ինքնահռչակ Դոնեցկի ժողովրդական հանրապետության 109-րդ գունդն ու ռուս դեսանտայինները»,- հայտնել է նա։
Ուկրաինայի որոշ լրատվամիջոցներ էլ՝ սեփական աղբյուրներին հղումով հայտնում են, որ օգոստոսի 29-ին ուկրաինական զորքերին հաջողվել է «ճեղքել պաշտպանության առաջին գիծը։
Ռուսական ՏԱՍՍ լրատվական գործակալությունը, հղում անելով Խերսոնի շրջանի ռուսամետ իշխանություններին, հերքել է «Ուկրաինայի զինված ուժերի կողմից Խերսոնի վրա հարձակման մասին լուրերը»։
Տաթև Ֆռանգյան
