15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
ԵՄ-ում սպասվում են սարսափելի ձմեռներ, եթե չսառեցվեն գազի սակագները․ BBC
Քաղաքականություն
29.08.2022 | 15:55
ԵՄ որոշ երկրներ գազի գնի սառեցման կոչ են անում, գրում է BBC-ն։ Նման նախաձեռնությամբ է հանդես եկել Բելգիայի էներգետիկայի նախարար Տին Վան դեր Շտրետենը։
«Առաջիկա 5-10 ձմեռները սարսափելի կլինեն, եթե մենք ոչինչ չանենք: Մենք պետք է աշխատենք գազի գնի սառեցման վրա»,- գրել է նա Twitter-ում՝ հավելելով, որ էլեկտրաէներգիայի գնի կապակցումը գազի գնին արհեստական է և բարեփոխման կարիք ունի: Ավստրիայի կանցլեր Կարլ Նեհամերը նույնպես կոչ է արել տարանջատել էլեկտրաէներգիայի և գազի գները։
«Մենք պետք է վերջ տանք այն խելագարությանը, որը հիմա տեղի է ունենում էներգետիկ շուկաներում, մենք չենք կարող թույլ տալ Պուտինին ամեն օր որոշել էլեկտրաէներգիայի եվրոպական գինը»,- ասել է նա։
Անցած շաբաթ Եվրոպայում գազի գինը թանկացել է ՝ հասնելով հազար խորանարդ մետրի դիմաց 3500 դոլարի, սակայն հետագայում գինը փոքր-ինչ նվազել է։
Տաթև Ֆռանգյան
