18.12.2025 | 17:43
Եկել եմ Գերագույն հոգևոր խորհրդի նիստին, օրակարգը չգիտեմ. Վահան սրբազան․ ՏԵՍԱՆՅՈՒԹ
Նիկոլ Փաշինյանը շնորհավորական ուղերձ է հղել Ղազախստանի նախագահին
27.08.2022 | 14:08
Վարչապետ Նիկոլ Փաշինյանը շնորհավորական ուղերձ է հղել Ղազախստանի Հանրապետության նախագահ Կասիմ-Ժոմարտ Տոկաևին՝ Հայաստանի և Ղազախստանի միջև դիվանագիտական հարաբերությունների հաստատման 30-ամյակի կապակցությամբ: Ուղերձում, մասնավորապես, նշված է.
«Հարգելի Կասիմ-Ժոմարտ Քեմելի,
Ընդունեք սրտանց շնորհավորանքներս Հայաստանի Հանրապետության և Ղազախստանի Հանրապետության միջև դիվանագիտական հարաբերությունների հաստատման 30-ամյակի կապակցությամբ։
Մեր երկրների ժողովուրդների բարեկամության դարավոր պատմության մեջ այս նշանակալից շրջանը դարձել է որակապես նոր միջպետական հարաբերությունների կառուցման մեկնարկային կետ, որի շրջանակներում ստեղծվել են բոլոր պայմաններն ու մեխանիզմները, որոնք կոչված են ապահովելու գործընկերության խթանումը ինչպես երկկողմ մակարդակում, այնպես էլ՝ բազմակողմ ձևաչափերի շրջանակներում։
Համոզված եմ, որ ամենաբարձր մակարդակով ակտիվ երկխոսությունը, խորհրդարանների և տնտեսական համագործակցության միջկառավարական հանձնաժողովի շրջանակներում ընթացող համատեղ հետևողական աշխատանքը, մշակութային և հումանիտար շփումների ակտիվացումը, անկասկած, նոր հորիզոններ կբացեն հայ-ղազախական հարաբերությունների ներուժի իրացման գործում։ Դա բխում է մեր ժողովուրդների բարեկամության ամրապնդման շահերից, տարածաշրջանային կայունության և անվտանգության հաստատման փոխադարձ հետաքրքվածությունից։
Հարգելի Կասիմ-Ժոմարտ Քեմելի,
Մաղթում եմ Ձեզ քաջառողջություն և նորանոր հաջողություններ Ձեր գործունեության մեջ, իսկ Ղազախստանի բարեկամ ժողովրդին՝ խաղաղություն և բարգավաճում»։
