09.10.2026 | 13:57
imID-ում քննարկվել են Հայաստանի թվային ինքնության համակարգի զարգացման ուղղությունները
Ուկրաինայի Անվտանգության ծառայությունը Կադիրովին մեղադրել է ռազմական հանցագործությունների մեջ
Քաղաքականություն
26.08.2022 | 22:15
Ուկրաինայի Անվտանգության ծառայությունը (ՈւԱԾ) հայտարարել է, որ «անհերքելի ապացույցներ» է գտել Չեչնիայի ղեկավար Ռամզան Կադիրովի, Չեչնիայի Ռոսգվարդիայի զորքերի փոխհրամանատար Դանիիլ Մարտինովի ու առանձին «Հարավ» գումարտակի 249-րդ տակտիկական խմբի հրամանատար Հուսեյն Մեժիդովի կողմից ռազմական հանցագործություններ կատարելու մեջ, գրում է DW-ի ռուսական ծառայությունը։
ՈւԱԾ-ն Կադիրովին մեղադրել է Ուկրաինայի քրեական օրենսգրքի երեք հոդվածներով՝ ագրեսիվ պատերազմ ծրագրելը, նախապատրաստելը, սանձազերծելը և վարելը (437-րդ հոդվածի 2-րդ մաս), կանխամտածված գործողություններ կատարելը՝ Ուկրաինայի տարածքի սահմանները փոխելու համար (110-րդ հոդվածի 3-րդ մաս) և Ուկրաինայի դեմ Ռուսաստանի Դաշնության ագրեսիան արդարացնելու, համարժեք ճանաչելու մեջ (436-2-րդ հոդվածի 3-րդ մաս):
«Փաստագրված է, որ 2022 թվականի փետրվար-մարտ ամիսներին Կադիրովն անձամբ վերահսկել է այդ ստորաբաժանումների առանձին ռազմական գործողությունների մշակումն ու պլանավորումը, հրամաններ տվել, լսել զեկույցներ և հաշվետվություններ նրանց ղեկավարներից»,- ասվում է ՈւԱԾ հայտարարության մեջ:
Տաթև Ֆռանգյան
