21.06.2026 | 22:09
ԱԱ-2026. Իսպանիան հաղթեց խոշոր հաշվով. ՏԵՍԱՆՅՈՒԹ
ՃՏՊ Եղեգնուտ-Վանաձոր ավտոճանապարհին. կան զոհեր
Հասարակություն
26.08.2022 | 10:05
Օգոստոսի 25-ին, ժամը 19։33-ին Լոռու մարզային ճգնաժամային կառավարման կենտրոն ահազանգ է ստացվել, որ Եղեգնուտ-Վանաձոր ավտոճանապարհի սկզբնամասում տեղի է ունեցել ՃՏՊ, կան տուժածներ, անհրաժեշտ է փրկարարների օգնությունը։ Այս մասին տեղեկացնում է ԱԻՆ-ը:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Մ-6 միջպետական ավտոճանապարհի Վանաձոր-Ալավերդի հատվածի 24-րդ կմ-ին բախվել են «MAN» մակնիշի բեռնատարը (վարորդ՝ Դ․ Օ․, ծնված 1964 թ․) և «Mercedes» մակնիշի ավտոմեքենան (վարորդ՝ Ա․ Մ․, ծնված 2002 թ․)։
Մինչ փրկարարների կանչի վայր հասնելը «Mercedes» մակնիշի ավտոմեքենայի վարորդը և ուղևոր Ն․ Մ․-ը (ծնված 2004 թ․) տեղի ուժերով դուրս են բերվել ավտոմեքենայից և տեղափոխվել Վանաձորի ԲԿ, որտեղ բժիշկներն արձանագրել են Ն․ Մ․-ի մահը, իսկ վարորդի առողջական վիճակը գնահատել ծայրահեղ ծանր․ վերջինս նույնպես մահացել է։
Փրկարարները հոսանքազրկել են «Mercedes» ավտոմեքենան, փակել գազի բալոնի փականը, ուղևոր Մ. Պ.-ի (ծնված 2007 թ․) դին դուրս բերել ավտոմեքենայից և մոտեցրել շտապօգնության մեքենային:
