06.11.2024 | 15:38
Պուտինը չի պատրաստվում շնորհավորել Թրամփին ընտրություններում հաղթանակի կապակցությամբ
Ռոսգվարդիան հայտարարել է Զապորոժիեի ԱԷԿ-ի աշխատակիցների կալանավորելու մասին
Քաղաքականություն
24.08.2022 | 20:29
Ռոսգվարդիան հայտարարել է Զապորոժիեի ԱԷԿ-ի երկու աշխատակցի ձերբակալության մասին, որոնք, իբր, տեղեկություններ են փոխանցել Ուկրաինայի Զինված ուժերին այն մասին, թե որտեղ են գտնվում կայանի տարածքում սարքավորումներն ու անձնակազմը, գրում է BBC-ի ռուսական ծառայությունը։
Կարճ ժամանակ անց ռուսական իշխանությունները, որոնք վերահսկում են կայանը, հայտարարել են նաև «մուտքի հսկողությունը խախտողի» ձերբակալության մասին, որը հայտարարության մեջ նշվում է որպես «Ուկրաինայի Զինված ուժերի հանցակից, որը փոխանցել է ռուսական տեխնիկայի շարասյան տեղաշարժի կոորդինատները»։
Դեռևս պարզ չէ՝ նա առաջին հաղորդման երկու ձերբակալվածների՞ց է, թե՞ սա այսօր իրականացված արդեն երրորդ կալանքն է։
Ռուսական գերատեսչության հայտարարությունից հետևում է, որ ձերբակալվածների «գործողությունները վտանգ են ներկայացնում Զապորոժիեի ԱԷԿ-ի անվտանգության համար»։
Տաթև Ֆռանգյան
