07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
ԱԽ քարտուղարը ՄԱՀՀԻ-ում փակ քննարկման է մասնակցել
24.08.2022 | 18:35
Միջազգային և անվտանգության հարցերի հայկական ինստիտուտն (ՄԱՀՀԻ) այսօր հյուրընկալել է ՀՀ Անվտանգության խորհրդի քարտուղար Արմեն Գրիգորյանին։ Այս մասին տեղեկանում ենք ինստիտուտի մամուլի ծառայությունից։
Փակ ռեժիմով հանդիպման ընթացքում հյուրը ներկայացրեց հուլիս-օգոստոս ամիսներին Հայաստանի անվտանգային միջավայրում տեղի ունեցած տեղաշարժերը, առկա մարտահրավերները։ Ներկայացմանը հաջորդած քննարկման ընթացքում Ինստիտուտի ասոցացված և գործընկեր փորձագետների կողմից բարձրացված հարցերի շուրջ ծավալված բանավեճի ընթացքում արծարծվեց տարածաշրջանային անվտանգությանը, անվտանգության ինստիտուտների գործունեությանն առնչվող խնդիրների լայն շրջանակ։
Հանդիպումն անցավ խիստ գործնական, բարեկամական մթնոլորտում, փոխադարձաբար նշվեց նման հանդիպումների կարևորությունը։ Պայմանավորվածություն ձեռքբերվեց շարունակել արդեն իսկ պարբերական դարձած հանդիպումների շարքը։
