17.12.2025 | 11:10
FIFA The Best. Ում օգտին են քվեարկել Էդուարդ Սպերցյանը և Եղիշե Մելիքյանը
7 ամսում զինծառայողների կորստի 40 դեպք է արձանագրվել, որից 14-ի վերաբերյալ պաշտոնական հրապարակումներ չեն եղել․ Սաքունց․ ՏԵՍԱՆՅՈւԹ
Հասարակություն
23.08.2022 | 16:00
Օգոստոս ամսին բանակում գրանցվել է զինծառայողների մահվան 7 դեպք, որից առողջական խնդիրներով՝ 3, սպանություն` 1 դեպք, հրադադարի ռեժիմի խախտմամբ` 2 դեպք և 1՝ ջրահեղձման դեպք։ Այսօր հրավիրված «Մահեր բանակում․ ինչու՞ ոչինչ չի փոխվում» թեմայով քննարկման ժամանակ այս մասին հայտնեց Հելսինկյան քաղաքացիական ասամբլեայի Վանաձորի գրասենյակի նախագահ, իրավապաշտպան Արթուր Սաքունցը:
Իրավապաշտպանի կարծիքով՝ բանակում մահվան բոլոր դեպքերը պետք է արտակարգ քննության առարկա դառնան։
«Երբ մոտեցման հիմքում նպատակ դրվի, որ ամեն զինծառայողի կյանքը գերագույն արժեք է, ապա պետք է լուծված լինոն այն գործոնները, որոնք են՝ բժշկական ծառայություն, դիրքերի անվտանգություն, կարգապահություն, պատշաճ հրահանգավորում և այլն, որոնցից կազմվում է զինվորական ծառայությունը, որովհետև մարդը իր պարտականությունն է կատարում պետության առաջ, պետությունն էլ իր պարտականությունը պետք է կատարի։ Պետությունը պարտավոր է ապահովել արժանապատիվ ծառայություն, դա չի լինում, մենք ահազանգում ենք, սակայն արձագանք չի լինում»,- նշեց Սաքունցը։
Նրա խոսքով՝ այս տարվա յոթ ամիսներին արձանագրել են զինծառայողի մահվան 40 դեպք, որից 14-ի վերաբերյալ պաշտոնական հրապարակումներ չեն եղել․. «Նույնիսկ այս առումով կա հետընթաց։ Պետությունը պարտավոր է իր հսկողության և պատասխանատվության տակ գտնվող մարդկանց մահվան դեպքերի վերաբերյալ տեղեկություն տալ ու պարզաբանել»։
Մանրամասները՝ տեսանյութում:
