21.04.2026 | 23:25
Եթե յուրաքանչյուրին ձայնագրես, ամեն մեկը մի բան կասի. Կարապետյանը՝ «շուն ու շանգյալ» բնորոշման մասին. ՏԵՍԱՆՅՈՒԹ
Բալթյան ծովում հաճախակիացել են միջադեպերը ռուսական ռազմական ավիացիայի հետ
Քաղաքականություն
23.08.2022 | 15:53
Ուկրաինայի դեմ Ռուսաստանի լայնամասշտաբ պատերազմի սկսվելուց հետո և Մոսկվայի ու ՆԱՏՕ-ի հարաբերություններում աճող լարվածության ֆոնին Բալթիկ ծովում ռուսական ռազմական ինքնաթիռների մասնակցությամբ միջադեպերի թիվն աճել է, գրում է DW-ի ռուսական ծառայությունը։
«Այո, մենք դա միանշանակ նկատում ենք, մենք ավելի շատ միջադեպեր ունենք, ինչպես մենք ենք դրանք անվանում»,- ասել է Գերմանիայի ռազմաօդային ուժերի գլխավոր տեսուչ (այս պաշտոնը համապատասխանում է ռազմաօդային ուժերի հրամանատարի պաշտոնին) Ինգո Գերհարցը:
Նրա խոսքով՝ նման միջադեպերի ժամանակ ռուսական ռազմական ինքնաթիռները մոտեցել են ՆԱՏՕ-ի օդային տարածքին, որից հետո դրանք որսացել են ՆԱՏՕ-ի ինքնաթիռները։
Վերջին միջադեպը տեղի է ունեցել օգոստոսի 19-ին, երբ ռուսական հետախույզ-ինքնաթիռները կործանիչների ուղեկցությամբ դուրս են թռչել Կալինինգրադից Բալթիկ ծովի տարածաշրջան։ Կարճ ժամանակ անց օդ են բարձրացվել Գերմանիայի ռազմաօդային ուժերի ինքնաթիռներ, որոնք ռուսականներից որոշակի հեռավորության վրա են մնացել, հայտնել է գեներալ-լեյտենանտ Գերհարցը։
Նա ընդգծել է, որ միջազգային օդային տարածքում ռուսական ռազմական ինքնաթիռների թռիչքները ոչ մի նորմ չեն խախտում, սակայն ՆԱՏՕ-ն ազդանշան է տալիս, որ իր օդային տարածքի սահմանները «կարմիր գիծ» են, որը ռուսական ինքնաթիռները չեն կարող անցնել։
Տաթև Ֆռանգյան
