15.09.2026 | 11:52
«Ապրելու երկիր»-ը հայտարարում է՝ կմասնակցի առաջիկա ՏԻՄ ընտրություններին
ՔՈԳՎ պետն ընդունել է ԱՄՆ արդարադատության դեպարտամենտի տարածաշրջանային իրավական կցորդին
Հասարակություն
22.08.2022 | 22:30
Օգոստոսի 22-ին Քրեական ոստիկանության գլխավոր վարչության պետ, ոստիկանության գնդապետ Վարդան Վարդանյանն ընդունեց ԱՄՆ արդարադատության դեպարտամենտի տարածաշրջանային իրավական կցորդ Հեդեր Բերգեյին, ՀՀ-ում ԱՄՆ դեսպանատան տարածաշրջանային անվտանգության ծառայության պետի հետաքննությունների գծով տեղակալ Ջեյմի Անդրելիին և ՀՀ-ում ԱՄՆ դեսպանատան տարածաշրջանային անվտանգության ծառայության քրեական կեղծիքների գծով հետաքննիչ Տիգրան Պետրոսյանին: Այս մասին տեղեկացնում է ՀՀ Ոստիկանությունը։
Կարևորելով ԱՄՆ իրավապահ ծառայությունների կողմից առանձնապես ծանր հանցագործությունների բացահայտման և հետախուզվողների հայտնաբերման ուղղությամբ տարվող աշխատանքներում օպերատիվ և բազմակողմանի փոխհամագործակցությունը՝ Վարդան Վարդանյանը շնորհակալություն հայտնեց վերջին շրջանում ցուցաբերած օժանդակության համար։ Նա նշեց նաև, որ Հայաստանի ոստիկանությունը մշտապես պատրաստ է հանցագործությունների դեմ պայքարում ակտիվ համագործակցության:
Հանդիպման ընթացքում քննարկվեցին նաև ՔՈԳՎ ծառայողների վերապատրաստման և համագործակցությանը վերաբերող այլ հարցեր:
