06.11.2024 | 14:20
«Դոմոդեդովո»-ում ՀՀ քաղաքացի է ձերբակալվել, որին ռուսական կողմը «վարձկանության» մեջ է մեղադրում
Հուլիսի սկզբից ի վեր առաջին անգամ Ռուսաստանը չի հայտարարել տարածքների գրավման մասին. ISW
Քաղաքականություն
19.08.2022 | 19:08
Հուլիսի 6-ից հետո Ռուսաստանն առաջին անգամ չի հայտնել Ուկրաինայի դեմ պատերազմում «ձեռքբերումների» մասին։ Ավելին, ռուսական բանակը սահմանափակ և անհաջող հարձակումներ է իրականացրել Դոնբասում։ Այս մասին ասվում է Պատերազմի ուսումնասիրման ամերիկյան ինստիտուտի (ISW) զեկույցում։
Ինստիտուտի փորձագետներն ուշադրություն են հրավիրել այն փաստի վրա, որ ՌԴ ԶՈՒ-ն Դոնեցկի շրջանում փորձել է հարձակվել Սևերսկի հարավում և Բախմուտից հյուսիս-արևելքից։
Ռուսական բանակը շարունակում է հարձակողական գործողությունները Դոնեցկի մերձակայքում, մասնավորապես՝ քաղաքի հյուսիսում, արևմուտքում և հարավ-արևմուտքում։
Ռուսական զորքերը նաև հարձակման անհաջող փորձ են կատարել Զապորոժիեի ուղղությամբ՝ Եգորովկայից Շևչենկո։ Այս երկու բնակավայրերը գտնվում են Դոնեցկի և Զապորոժիեի շրջանների սահմանից դեպի արևելք։
Տաթև Ֆռանգյան
