Մեր ամենամեծ խնդիրը ստանդարտներ սահմանելն է․ միայն աղետից հետո ենք հետևություններ անում․ վարչապետ. ՏԵՍԱՆՅՈՒԹ

Փողոցային առևտուրը կարգավորելու նպատակով Կառավարությունը հավանություն տվեց «Վարչական իրավախախտումների վերաբերյալ ՀՀ օրենսգրքում փոփոխություններ և լրացումներ կատարելու մասին», ««Տեղական ինքնակառավարման մասին» օրենքում լրացում կատարելու մասին», ««Երևան քաղաքում տեղական ինքնակառավարման մասին» օրենքում լրացում կատարելու մասին», «Հայաստանի Հանրապետության քաղաքացիական օրենսգրքում լրացում կատարելու մասին» ՀՀ օրենքների նախագծերին:

«Մեր ամենամեծ խնդիրը ինստիտուտներ և ստանդարտներ սահմանելն է»,- Կառավարության այսօրվա նիստում այս կարծիքը հայտնեց վարչապետ Նիկոլ Փաշինյանը՝ հավելելով, որ միայն աղետից հետո ենք հետևություններ անում։

Երևանի քաղաքապետ Հրաչյա Սարգսյանը նշեց, որ վերջին երկու տարիների ընթացքում վերլուծություն են արել և եզրակացության են եկել, որ ունեցած գործիքակազմը բավարար չէ պատասխանատվության ենթարկելու առկա իրավախախտումների համար քաղաքացիներին, շատ դեպքերում տուգանքներ չեն կարողանում գանձել քաղաքացիներից:

Երևանի քաղաքապետը հավելեց, որ խաղալիքներ, անգամ կենդանիներ են վաճառում, փոքր գազի բալոններով քաղցր բամբակ են պատրաստում և վաճառում և չգիտեն՝ ինչ տեխնիկական անվտանգություն է ապահովվում:

Վարչապետը կարևոր համարեց ստանդարտներ սահմանելը: Նա նշեց, որ երբ աղետ է լինում, այն ժամանակ անդրադառնում են կոմպրոմիսներին: «Մենք պետք է արձանագրենք, որ եթե սկզբունքային այս գիծը շարունակենք, հազարավոր օբյեկտներ պետք է դադարեցնեն գործունեությունը, և այստեղ գալու է հարց, որ այդքան մարդ ընտանիք է պահում, հացի փող է աշխատում և այլն… «Եկեք որոշենք, որ, ի վերջո, երկրում, ստանդարտներ են լինելու»,- նշեց Փաշինյանը:

Մանրամասները՝ տեսանյութում։