16.09.2026 | 16:20
Կոսովոյի նախկին նախագահ Հաշիմ Թաչին ռազմական հանցագործությունների համար դատապարտվել է 25 տարվա ազատազրկման
Ալժիրում անտառային հրդեհները 26 մարդու կյանք են խլել
Քաղաքականություն
18.08.2022 | 11:31
Ալժիրում բռնկված անտառային հրդեհները 26 մարդու կյանք են խլել, հայտնում է Xinhua-ն։
Ալժիրի ներքին գործերի նախարար Քամել Բելջուդի խոսքով՝ Էլ Թարֆ նահանգում բռնկված հրդեհների հետևանքով զոհվել է 24 մարդ, ևս 2-ը՝ Սեթիֆում։ Մինչ այդ, հրշեջները հայտնել էին խիտ անտառներով հայտնի Ալժիրի արևելյան մասի 14 գավառներում 39 հրդեհների մասին։
Անտառները դեռ այրվում են, փրկարարները դրանք մարում են հատուկ ավիացիոն ստորաբաժանումների օգնությամբ։
Ավելի վաղ Իսպանիայում և Պորտուգալիայում ևս խոշոր անտառային հրդեհներ էին գրանցվել: Այս ամառ Եվրոպայում անոմալ շոգի պատճառով այրվել է 660 հազար հեկտար անտառ, ինչը ռեկորդային ցուցանիշ է 2006 թվականից ի վեր։
Տաթև Ֆռանգյան
