08.06.2026 | 01:19
ՔՊ-ն առաջատար է 2/11 տեղամասում, երկրորդը՝ «Ուժեղ Հայաստանն» է
Թուրքիան և Իսրայելը լիարժեք վերականգնում են դիվանագիտական հարաբերությունները․ դեսպաններ կնշանակվեն
Քաղաքականություն
17.08.2022 | 21:37
Իսրայելի վարչապետ Յաիր Լապիդը և Թուրքիայի նախագահ Ռեջեփ Թայիփ Էրդողանը այսօր կայացած զրույցի ընթացքում պայմանավորվել են դեսպանների և գլխավոր հյուպատոսների փոխադարձ վերադարձի, այնուհետև դիվանագիտական հարաբերությունների լիարժեք վերականգնման շուրջ։ Այս մասին գրում է Haaretz-ը։
Իր հայտարարության մեջ Լապիդը նշել է, որ «Թուրքիայի հետ կապերի վերականգնումը կարևոր է տարածաշրջանի կայունության համար և մեծ տնտեսական նշանակություն ունի Իսրայելի քաղաքացիների համար»։
«Մենք կշարունակենք աշխատել և ամրապնդել Իսրայելի միջազգային հեղինակությունն աշխարհում»,- ասել է Լապիդը։
Հիշեցնենք, որ Թուրքիան Իսրայելի դեսպանին խնդրել էր լքել երկիրը 2018 թվականի մայիսին՝ Գազայի հատվածի վարչական սահմանին տեղի ունեցած իրադարձությունների պատճառով, որտեղ տասնյակ պաղեստինցիներ սպանվեցին իսրայելցի զինվորականների կողմից։ Բացի այդ, թուրքական կառավարությունը խորհրդակցությունների համար հետ է կանչել Թել Ավիվում և Վաշինգտոնում գտնվող դեսպաններին։
Իսրայելն ի պատասխան վտարեց Երուսաղեմում Թուրքիայի հյուպատոսին։
Տաթև Ֆռանգյան
