08.06.2026 | 10:00
Նիկոլ Փաշինյանը մասնակցում է 2025 թ․ բյուջեի կատարողականի նախնական քննարկումներին. ՈՒՂԻՂ
Լվովում Գուտերեշը եռակողմ հանդիպում կունենա Զելենսկու և Էրդողանի հետ
Քաղաքականություն
17.08.2022 | 20:16
ՄԱԿ-ի գլխավոր քարտուղար Անտոնիո Գուտերեշը օգոստոսի 18-ին Լվովում կհանդիպի Ուկրաինայի նախագահ Վլադիմիր Զելենսկու և Թուրքիայի նախագահ Ռեջեփ Թայիփ Էրդողանի հետ։ Այս մասին հայտնել է ՄԱԿ-ի քարտուղարությունը, գրում է Al-jazeera-ն։
ՄԱԿ-ի գլխավոր քարտուղարի մամուլի քարտուղար Ստեֆան Դյուժարիկն ամենօրյա ճեպազրույցում ասել է, որ Գուտերեշը Լվով կմեկնի Զելենսկու հրավերով։
Դյուժարիկը հայտնել է, որ Անտոնիո Գուտերեշը Լվովում եռակողմ հանդիպում կանցկացնի Զելենսկու և նախագահ Էրդողանի հետ, որից հետո օգոստոսի 19-ին կմեկնի Օդեսա։ Նրա խոսքով՝ Էրդողանի հրավերով էլ Գուտերեշը օգոստոսի 20-ին կայցելի Ստամբուլում ուկրաինական հացահատիկի արտահանման համատեղ համակարգող կենտրոն։
Տաթև Ֆռանգյան
