15.09.2026 | 16:11
Վարդան Ղուկասյանն ասել ա՝ «Ով միութենական պետությանը դեմ ա, թրքահպատակ շան տղա ա»․ Վահագն Ալեքսանյան․ ՏԵՍԱՆՅՈՒԹ
Մետրոյի կայարաններում պայթուցիկ սարքերի մասին ահազանգ է ստացվել․ ուղևորափոխադրումները ժամանակավորապես դադարեցված են
Հասարակություն
16.08.2022 | 10:42
Երևանի մետրոպոլիտենի կայարաններում պայթուցիկ սարքերի մասին ահազանգ է ստացվել․ ուղևորափոխադրումները ժամանակավորապես դադարեցված են։ Այս մասին տեղեկացնում է Երևանի քաղաքապետարանը։
«Օգոստոսի 16-ին՝ ժամը 10:05-ին, Ճգնաժամային կառավարման ազգային կենտրոն ահազանգ է ստացվել, որ Երևանի մետրոպոլիտենի կայարաններում պայթուցիկ սարքեր են տեղադրված։
Դեպքի վայր են մեկնել ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի կինոլոգիական խումբը և քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի ինժեներասակրավորական ջոկատը:
Այս պահին մետրոպոլիտենով ուղևորափոխադրումները ժամանակավորապես դադարեցված են: Հայցում ենք Ձեր ներողամտությունը պատճառված անհարմարությունների համար»,- ասվում է հաղորդագրությունում։
