08.06.2026 | 09:41
ՀՀ տարածքում ավտոճանապարհներն անցանելի են
90 հոգի դիմել է առաջին օգնության տաղավար, 120 հոգի հոգեբանական աջակցություն է ստացել․ ՏԵՍԱՆՅՈՒԹ
Հասարակություն
15.08.2022 | 13:14
Հայկական Կարմիր խաչի ընկերության Աղետներին արձագանքման, Առաջին օգնության և հոգեբանների թիմերը՝ ՀԿԽԸ գործադիր տնօրեն Աննա Եղիազարյանի գլխավորությամբ, օգոստոսի 14-ին Սուրմալու» տոնավաճառի տարածքում տեղի ունեցած պայթյունից և բռնկված հրդեհից անմիջապես հետո ժամանել են դեպքի վայր՝ աջակցելու որոնողափրկարարական և քարամաքրման աշխատանքներին, ըստ անհրաժեշտության ցուցաբերելու առաջին օգնություն և առաջին հոգեբանական օգնություն, տրամադրելու ջուր և սնունդ՝ իրականացնելու կառավարությանն աջակցող դերը մարդասիրական ոլորտում:
Օգոստոսի 14-ին ՀԿԽԸ Տավուշի մարզային մասնաճյուղի Աղետներին արձագանքման թիմը՝ ժամանելով Իջևանից, համալրել է դեպքի վայրում աշխատող ՀԿԽԸ թիմի կազմը: Օգոստոսի 15-ին նրանց շարքերը համալրեց նաև ՀԿԽԸ Վայոց ձորի մարզային մասնաճյուղի Աղետներին արձագանքման թիմը:
«Առաջին օգնություն է ցուցաբերվել 90 անձի, որոնք ունեցել են տարբեր վնասվածքներ, այրվածքներ, հոգեբանական աջակցություն է տրամադրվել ավելի քան 120 անձի՝ ադ թվում տուժածների հարազատներին:
Արագ արձագանքման ծառայությունների, ոստիկանության աշխատակիցներին, տարածքում գտնվող քաղաքացիներին տրամադրվել է ջուր և չոր սնունդ»,- այս մասին լրագրողների հետ զրույցում նշեց Աննա Եղիազարյանը:
Մանրամասները՝ տեսանյութում:
