06.11.2024 | 22:35
Նիկոլ Փաշինյանն աշխատանքային այցով ժամանել է Հունգարիա
Թուրքիայի ՊՆ ղեկավարը կրկին սպառնացել է Հունաստանին
Քաղաքականություն
11.08.2022 | 23:15
Թուրքիայի պաշտպանության նախարար Հուլուսի Աքարը կրկնել է Հունաստանի ինքնիշխանությանն ուղղված անուղղակի սպառնալիքները՝ հայտարարելով, որ Կաստելլորիզո կղզին գտնվում է թուրքական ափից «լողալու հեռավորության վրա», գրում է «Ահվալ»-ը։
Անկարայում ելութ ունենալով Դեսպանների 13-րդ համաժողովում՝ նա նշել է, որ զինվորական վարժարանների ուսանողները կարող են լողալով հասնել կղզի, որը գտնվում է թուրքական ափից մոտավորապես երկու կիլոմետր հեռավորության վրա։
«Օրերս Հունաստանի նախարարը հայտարարեց, որ «եթե ուզում են, թող գան, եթե լողալ գիտեն», իսկ մենք ասում ենք՝ «եթե Աստված կամենա, դա էլ կարող է լինել»»,- հայտարարել է Աքարը։
Հավելենք, որ Անկարան պարբերաբար տարբեր սպառնալիքներ է հնչեցնում Հունաստանի հասցեին՝ պահանջելով Թուրքիայի ափերի մոտ գտնվող հունական կղզիների ապառազմականացում։
Էմմա Չոբանյան
