16.12.2025 | 17:51
Բերդ քաղաքի որոշ հասցեներում ջուր չի լինի
ՌԴ ԱԳՆ-ն «արդարացված չի համարում» Արցախում տեղակայված ռուս խաղաղապահների հասցեին ուղղված քննադատությունները․ ՏԵՍԱՆՅՈՒԹ
Քաղաքականություն
11.08.2022 | 13:46
Ռուսական կողմը Հայաստանի և Ադրբեջանի հետ տարբեր մակարդակներում մշտական կապի մեջ է Լեռնային Ղարաբաղում իրավիճակի վերաբերյալ։ Այս մասին ճեպազրույցում հայտարարել է ՌԴ ԱԳՆ տեղեկատվության և մամուլի դեպարտամենտի փոխտնօրեն Իվան Նեչաևը, գրում է ՏԱՍՍ-ը։
«Ռուսական կողմը մշտական կապի մեջ է հայկական և ադրբեջանական կողմերի հետ՝ ինչպես ամենաբարձր մակարդակով, այնպես էլ ՊՆ-ի, ԱԳՆ-ի և ռուսական այլ գերատեսչությունների միջոցով»,- ասել է նա։
Նեչաևը նաև հայտարարել է, որ Ռուսաստանն անարդար է համարում Լեռնային Ղարաբաղում տեղակայված ռուս խաղաղապահներին ուղղված առանձին քննադատությունները։
«Ինտենսիվ քաղաքական շփումներին զուգահեռ՝ ակտիվ աշխատանքը շարունակվում է նաև ռուս խաղաղապահների կողմից, որոնք անհրաժեշտ ջանքեր են գործադրում գետնի վրա իրավիճակի կայունացման համար։ Ե՛վ Բաքվում, և՛ Երևանում ավելի վաղ բազմիցս նշել են ռուս խաղաղապահ զորախմբի կարևոր դերը։ Համարում ենք, որ առանձին քննադատությունը խաղաղապահների հասցեին արդարացված չէ։ Լրացուցիչ մանրամասների համար առաջարկում ենք դիմել ՌԴ ՊՆ-ին»,- ասել է նա։
Պաշտոնյան հիշեցրել է, որ օգոստոսի 2-ին և 8-ին ՌԴ նախագահ Վլադիմիր Պուտինը հեռախոսազրույցներ է ունեցել ՀՀ վարչապետ Նիկոլ Փաշինյանի հետ, Սերգեյ Լավրովն ու Սերգեյ Շոյգուն ևս հայկական ու ադրբեջանական կողմերի հետ շփումներ են ունեցել։
«Բոլոր վերոնշյալ հարցերը, այդ թվում՝ իրավիճակը Լաչինի միջանցքի շուրջ, հանդիսանում են խորհրդակցությունների առարկա՝ լուծում գտնելու նպատակով, որը հարմար կլինի ադրբեջանական ու հայկական կողմերին։ Հաշվի առնելով թեմայի զգայունությունը՝ չենք բացահայտնի քննարկվող պայմանավորվածությունների մանրամասները»,- ասել է ՌԴ ԱԳՆ ներկայացուցիչը։
Էմմա Չոբանյան
