09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Շիրակի մարզի տնտեսավարողներին մատակարարվել է 3639 տ ազոտական պարարտանյութ․ կառավարությունը սուբսիդավորել է 655 մլն դրամ
Տնտեսություն
10.08.2022 | 20:15
«Հողօգտագործողներին մատչելի գներով ազոտական, ֆոսֆորական և կալիումական պարարտանյութերի ձեռքբերման աջակցության» ծրագրի շրջանակում Շիրակի մարզի տնտեսավարողներին մատակարարվել է 3639 տ ազոտական պարարտանյութ, որի կառավարության կողմից սուբսիդավորման գումարը կազմել է 655 մլն դրամ: Այս մասին տեղեկացնում են Շիրակի մարզպետարանից։
Շիրակի մարզպետի հանձնարարությամբ, գյուղատնտեսության վարչության պատասխանատուները այցելում են մարզի համայնքներ, տարբեր բնակավայրեր կատարած այցերի ընթացքում իրականացվում է պարարտանյութերի բաշխման գործընթացի արդյունքների ուսումնասիրություն: Ընտրանքային մոնիթորինգի միջոցով դիտարկվում են շահառուների ցանքատարածքները՝ բաշխման գործընթացում թերացումներն ու դժգոհությունները բացառելու նպատակով։
Նշենք, որ պարարտանյութերի ձեռքբերման ծրագիրն իրականացվել է մատակարարների կողմից շահառուներին վաճառվող պարարտանյութի վաճառքի գնի 50 տոկոսի չափով սուբսիդավորմամբ կամ փոխհատուցմամբ, բայց ոչ ավելի, քան 50 կգ քաշով 1 պարկ պարարտանյութի հաշվով՝ 9000 դրամը։ Մեկ շահառուի հաշվով պարարտանյութ տրամադրվել է առավելագույնը 3 հեկտար հողատարածքում մշակություն իրականացնելու համար։
