20.05.2024 | 23:30
Վերահաստատում ենք մեր խոր մտահոգությունը. Լրագրողական կազմակերպությունները՝ լրագրողների նկատմամբ ճնշումների առնչությամբ
Հացահատիկային միջանցքով ևս երկու նավ է դուրս եկել ուկրաինական նավահանգստից
Քաղաքականություն
09.08.2022 | 13:58
Օգոստոսի 9-ին 70 հազար տոննա պարենով երկու նավ լքել է Ուկրաինայի Չեռնոմորսկի նավահանգիստը։ Այս մասին այսօր հայտնել է Ուկրաինայի Ենթակառուցվածքների նախարարությունը, փոխանցում է Korrespondent-ը։
Պանամաքս տեսակի OCEAN LION-ը մոտ 65 հազար տոննա եգիպտացորեն կհասցնի Հարավային Կորեա, ևս մեկ նավ կմեկնի Թուրքիա։
«RAHMI YAGGI նավը 5,3 հազար տոննա պարեն կտեղափոխի Թուրքիա, ևս գրեթե 65 հազար տոննա եգիպտացորեն պանամաքս տիպի OCEAN LION նավը կհասցնի Հարավային Կորեա»,- ասվում է հաղորդագրության մեջ։
OCEAN LION-ը պանամաքս տիպի երկրորդ նավն է, որը դուրս է եկել Չերնոմորսկի նավահանգստից։ Պանամաքս դասն ունի ամենամեծ նավերից մեկը։
Նշենք, որ հացահատիկի միջանցքով առաջին նավը Լիբանան է մեկնել օգոստոսի 1-ին, սակայն պատվիրատուն հրաժարվել իր պատվերից։ Բեռի համար նոր գնորդ են փնտրում։
Ընդհանուր առմամբ, հացահատիկային միջանցքով արդեն 12 նավ է ճանապարհ ընկել։
Տաթև Ֆռանգյան
