20.06.2026 | 19:55
Նյու Յորքում հրդեհ է բռնկվել պատմական հուշարձանի կարգավիճակ ունեցող եկեղեցում, փլուզվել է զանգակատունը
Արցախի ՊԲ-ն՝ առաջնագծի իրավիճակի մասին․ ԼՂ-ից տեղահանվածների ցույցը ԱՄՆ դեսպանատան առաջ․ Լուրեր
Հասարակություն
08.08.2022 | 12:53
Արցախի ՊԲ-ից հայտնում են, որ այս գիշերը և առավոտյան 09:00-ի դրությամբ՝ որոշ ուղղություններում ադրբեջանական զինուժը կրկին խախտել է հրադադարի պահպանման ռեժիմը՝ կիրառելով տարբեր տրամաչափի հրաձգային զինատեսակներ։ Առաջնագծում էական միջադեպեր չեն արձանագրվել։ Չնայած հարաբերական կայունությանը՝ լարվածությունը պահպանվում է։ ՊԲ-ից նաև հերքել են Բաքվի պնդումները, թե, իբր, հայկական կողմն է կրակել իրենց դիրքերի ուղղությամբ։
Արցախից տեղահանված քաղաքացիներն այսօր բողոքի ակցիա են անցկացրել Երևանում ԱՄՆ դեսպանատան դիմաց։ Նրանք պահանջել են վերականգնել Արցախի սահմանները, վերադարձնել Հադրութը, Շուշին, ընդհանուր առմամբ՝ ԼՂԻՄ սահմանները և հարցերը լուծել բանակցային ճանապարհով։
Արցախի պետնախարար Արտակ Բեգլարյանն անդրադարձել է վերջին օրերի ադրբեջանական հարձակումներին և նշել, որ Բաքուն փորձելու է պարբերաբար իրականացվող սադրանքների, իրավախախտումների ու տարաբնույթ ճնշումների միջոցով հասնել Արցախի հայաթափմանը։ Բեգլարյանը նշել է, որ միջազգային ռազմաքաղաքական երաշխիքներն ու մեխանիզմներն ամբողջությամբ չեն ապահովում Արցախի ժողովրդի կայուն անվտանգությունը, և հայկական կողմը ստիպված ու պարտավոր է շարունակաբար բարելավել ռազմավարական դիմադրողականության մակարդակը։
Այս ժամի լուրերը՝ տեսանյութում։
