15.12.2024 | 20:28
Վարազդատ Լալայանը՝ ծանրամարտի աշխարհի չեմպիոն. Armsport.am
Ադրբեջանի ՊՆ-ն հայտնում է Լաչինում ևս մեկ զինծառայողի կորստի ու մեկի վիրավորման մասին
Քաղաքականություն
05.08.2022 | 15:01
Ադրբեջանի ՊՆ-ն կրկին հայտնում է զինծառայողների կորստի մասին և դարձյալ որպես պատճառ նշում դժբախտ պատահարը։ Ադրբեջանական լրատվականների հաղորդմամբ՝ այսօր Արցախի գրավյալ Լաչինի՝ Բերձորի շրջանում դժվարին տեղանքում ժայռից կտոր է պոկվել և ընկել մարտական առաջադրանք կատարող զինծառայողներ Խուդիև Սամիր Սամեդ օղլուի ու Ալիև Թաիր Չինգիզ օղլուի վրա։ Նշվում է, որ Խուդիևը տեղում մահացել է ստացած վնասվածքներից, իսկ Ալիևի վիճակը գնահատվում է ծանր։
Հիշեցնենք, որ այսօր առավոտյան Ադրբեջանի ՊՆ հայտնել էր ևս մեկ զինծառայողի մահվան մասին։ Մասնավորապես, Թովուզի շրջանում տեղակայված զորամասերից մեկում հրազենային վիրավորումից մահացել է զինծառայող Աղամիրով Փյունխան Սիյավուշ օղլուն։ Ավելի ուշ ՊՆ-ն հայտնել է, որ հիվանդանոցում մահացել է նաև Ալիև Թաիր Չինգիզ օղլուն։
Հաշվի առնելով նախկին փորձը՝ չի բացառվում, որ այս կերպ Ադրբեջանի ՊՆ-ն փորձում է թաքցնել ավելի վաղ Արցախի դիրքերի վրա հարձակման հետևանքով կրած կորուսները։
Էմմա Չոբանյան
