27.07.2026 | 23:18
Ոստիկանները ձերբակալել են ապօրինի զենք պահող տղամարդուն
Մինսկի խումբը պետք է վերցնի իրական խաղաղարարի պատասխանատվությունը. Րաֆֆի Հովհաննիսյան․ ՏԵՍԱՆՅՈՒԹ
Քաղաքականություն
05.08.2022 | 13:39
«Բանակցությունների առումով ոչ մի էական քայլ չի արվել դեպի առաջ»,- այս մասին այսօր հրավիրված ասուլիսում հայտարարեց «Ժառանգություն» կուսակցության հիմնադիր, ՀՀ նախկին արտգործնախարար Րաֆֆի Հովհաննիսյանը՝ հավելելով, որ Ադրբեջանի կողմից չի կատարվել նոյեմբերի 9-ի հայտարարության կետերի լիարժեք կատարում և մեր ռազմագերիները չեն վերադարձվել հայրենիք:
Նրա դիտարկմամբ՝ ՀՀ սահմաններից պետք է իսկույնևեթ դուրս բերվեն օտար զորքերը, որից հետո նոր սկսել բանակցությունները գաղթականների, ճանապարհների և այլ հարցերի շուրջ:
«Այս առումով գեներալ –մայոր Վոլկովը և իր զորակազմը պետք է վերականգնեն իրենց արժանապատվությունը, լիազորությունն ու ինքնավստահությունը և չենթարկվեն որևէ օտար մայրաքաղաքի ինչ-որ «էժան թղթածրարների», որոնք հետապնդում են քաղաքական, ներքաղաքական նպատակներ:
Մինսկի խմբի գործընկերները պետք է ստանձնեն իրենց պատասխանատվության բաժինը և սանձեն այն կողմին, որը խախտում է տարածաշրջանային խաղաղությունն ու անվտանգությունը: Մինսկի խումբը պետք է դադարի կեղծ հավասարության նշան դնելուց և վերցնի իրական խաղաղարարի և իրական արժեքներ պահպանողի պատասխանատվությունը»,- նշեց Հովհաննիսյանը:
Մանրամասները՝ տեսանյութում:
