08.06.2026 | 12:10
ԱԺ կանցնի 4 ուժ՝ ըստ նախնական արդյունքների // Ձերբակալվածներ տեղամասի մոտ դանակահարության գործով․ ԼՈՒՐԵՐ
Եթե այսպես շարունակվի՝ կունենանք խեղված, խաբուսիկ խաղաղություն կամ պարտադրված պատերազմ. Րաֆֆի Հովհաննիսյան․ ՏԵՍԱՆՅՈՒԹ
Քաղաքականություն
05.08.2022 | 12:56
«Վերջին օրերին մենք տեսնում ենք, որ Հայաստանն ակնհայտորեն չունի գերագույն գլխավոր հրամանատար. մենք ապրում ենք լարված և պատասխանատու ժամանակաշրջան»,- այս մասին այսօր հրավիրված ասուլիսում հայտարարեց «Ժառանգություն» կուսակցության հիմնադիր, ՀՀ նախկին արտգործնախարար Րաֆֆի Հովհաննիսյանը:
Նրա դիտարկմամբ՝ այս շրջանում անհրաժեշտ է հաղթահարել ներքին բևեռվածությունն ու բաժանումները, հայհոյախոսությունը, ցավը և քաղաքական նոր լուծումներ գտնել:
«Եթե այս ինքնահոսը շարունակվի, ապա հրամանատրության չհրապարակված համաձայնություններով, կառավարական նիստերի միջոցով դեպի Բաքու ուղարկվող ազդակներով մեր ինքնիշխանությունը կնվազի և մեր տարածքային ամբողջականությունը գնալով կկրճատի, մեր հանրապետության մի մասը և Արցախը բռնազավթված են, դա կօրինականացվի… Սա մեկ հոգու ահազանգ չէ, ես մենակ չեմ… Օրինաչափություն չէ այն, ինչ եղել է՝ հայրենիքի հանձնում, ավելի քան 4 հազար զոհեր…
Քստմնելի է, որ մեր հայրենիքից վտարվում են Սփյուռքի մեր հայրենակիցները: Անընդունելի է, որ այսօր ունենք քաղբանտարկյալներ: Բոլոր արատները, որ կային նախկինների օրոք, կան, այսօր ևս, և դա օրիաչափ չէ:
Հայաստանն այսօր ունի տապալված ղեկավար (ցավում եմ դրա համար), որը խուսափում է զրույցից իր ժողովրդի հետ և բաժանարար գծեր է դնում՝ «սև» ու «սպիտակ»:
Եթե այսպես շարունակվի, սեպտեմբերի 2-ին կունենանք հերթական հանձնումը և զոհերն ու լարումները, և կունենանք խեղված, խաբուսիկ խաղաղություն կամ պարտադրված պատերազմ»,- նշեց Րաֆֆի Հովհաննիսյանը։
Մանրամասները՝ տեսանյութում:
