19.08.2026 | 16:31
Վահագն Ալեքսանյանի ճեպազրույցը՝ ՈՒՂԻՂ
Մեծ Բրիտանիան Ուկրաինային ռազմանավեր է փոխանցելու
Քաղաքականություն
01.08.2022 | 14:46
Մեծ Բրիտանիան պատրաստվում է առաջիկայում Ուկրաինային ռազմանավ փոխանցել, իսկ ուկրաինացի զինվորականներն արդեն ուսուցում են անցնում։ Այս մասին հայտարարել է Մեծ Բրիտանիայում Ուկրաինայի դեսպան Վադիմ Պրիստայկոն, գրում է «Ուկրաինսկայա պրավդան»։
«Մենք եղել ենք ռազմածովային նավում, որն առաջիկայում փոխանցվելու է Ուկրաինային։ Դրանում հիմա արդեն ուսուցում են անցնում մեր նավաստիները»,- ասել է Պրիստայկոն։
Նա չի նշել, թե ինչ դասի ու մոդելի նավի մասին է խոսքը, սակայն ասել է, որ հիմա Ուկրաինայի առաջնահերթությունները փոխվել են և անհրաժեշտ է հակաականային նավ։
Հարցին, թե քանի՞ նավ կարող է փոխանցվել Ուկրաինային, նա պատասխանել է, որ ի սկզբանե քննարկվում է երկու նավի փոխանցման հարցը։
«Երկուսը սկզբնական թիվն է, որի ուղղությամբ մենք հիմա աշխատում ենք։ Դրանք ռազմանավեր են, որոնք հիմա գտնվում են Մեծ Բրիտանիայի նավատորմում։ Դրանք վերամշակվելու են, ավելացվելու է հատուկ սարքավորում, որը մեզ անհրաժեշտ է։ Նույն դասի նավերի վրա հիմա ուսուցում են անցնում մեր սպաները»,- ասել է դեսպանը։
Էմմա Չոբանյան
