20.11.2024 | 12:42
Եթե վարչության որոշում լինի՝ կմտածեմ․ Հովիկ Աղազարյանը՝ մանդատը վայր դնելու մասին
Ռուսաստանն է պատերազմ ուզում, ոչ թե Արևմուտքը․ պաստառներ Թբիլիսիի մետրոյում
Քաղաքականություն
31.07.2022 | 20:19
Թբիլիսիի մետրոպոլիտենի կանգառներում «Ռուսաստանն է պատերազմ ուզում, ոչ թե Արևմուտքը, սուտ մի՛ տարածեք, ապատեղեկատվությունը վիրավորում է հերոսների հիշատակը» գրությամբ պաստառներ են տեղադրվել, փոխանցում է «Ալիք մեդիան»։
«Վստահելի տեղեկատվության կոալիցիային» պատկանող պաստառները տեղադրվել են մետրոպոլիտենի հինգ կայարաններում։
«Վստահելի տեղեկատվության կոալիցիան» ստեղծվել է անցյալ տարի և ներառում է մի քանի հասարակական կազմակերպություններ։
Կոալիցիայի տարածած հայտարարության մեջ նշվում է, որ ակցիայի նպատակը ապատեղեկատվության և հակաարևմտյան քարոզչության վերաբերյալ հանրային իրազեկվածության բարձրացումն է և այդ սպառնալիքներին արձագանքելու միասնական ազգային և հասարակական մոտեցում մշակելը:
