29.09.2026 | 12:10
ՀՀ-ից կաթնամթերքի արտահանումը 80%-ով նվազել է // Ջերմաստիճանը մինչև 9 աստիճանով կնվազի․ ԼՈՒՐԵՐ
ԱՄՆ-ի պետքարտուղարը կհանդիպի Թուրքիայի արտգործնախարարի հետ
Քաղաքականություն
16.05.2018 | 16:47
Հունիսի 4-ին Վաշինգտոնում Թուրքիայի արտգործնախարար Մևլութ Չավուշօղլուն հանդիպելու է ԱՄՆ-ի պետքարտուղար Մայք Պոմպեոյի հետ. տեղեկացնում է ermenihaber-ը:
Սպասվում է, որ կողմերը կքննարկեն Սիրիայում և Մերձավոր Արևելքի երկրներում տեղի ունեցող իրադարձությունները, ինչպես նաև Թուրքիայում ահաբեկչական համարվող «Քուրդիստանի բանվորական կուսակցության» (ՔԲԿ-PKK) և գյուլենական համայնքի դեմ պայքարի հարցերը։ Հանդիպումը նախատեսվել էր ավելի շուտ, ապա՝ հետաձգվել։
Սա Չավուշօղլուի և Պոմպեոյի առաջին հանդիպումը չէ։ Ավելի վաղ՝ ապրիլի 27-ին, նրանք հանդիպել էին Բրյուսելում՝ ՆԱՏՕ-ի անդամ երկրների արտգործնախարարների ժողովի շրջանակներում։
Հիշեցնենք, որ Մայք Պոմպեոն ԱՄՆ-ի պետքարտուղարի պաշտոնը ստանձնել է 2018թ. ապրիլի 26-ին։
