09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Հայաստանի ֆուտզալի ազգային հավաքականի դարպասապահը պայմանագիր է կնքել իսպանական ակումբի հետ
28.07.2022 | 15:10
Հայաստանի ֆուտզալի ազգային հավաքականի դարպասապահ Լուան Բարբոսան պայմանագիր է կնքել Իսպանիայի Պրիմերան ներկայացնող «Պալմա Ֆուտզալ» ակումբի հետ․ այս մասին հայտնում է Հայաստանի ֆուտբոլի ֆեդերացիան:
Բարբոսայի նոր ակումբը նախորդ մրցաշրջանում դուրս է եկել Իսպանիայի առաջնության եզրափակիչ, որտեղ զիջել է «Բարսելոնային»: «Պալմա ֆուտզալ»-ը գալիք մրցաշրջանում հանդես կգա ՈւԵՖԱ ֆուտզալի Չեմպիոնների լիգայի էլիտ ռաունդում:
Լուան Բարբոսան Հայաստանի ֆուտզալի ազգային հավաքականում հանդես եկած առաջին ֆուտզալիստն է, ով հանդես կգա աշխարհի ուժեղագույն լիգաներից մեկում` Իսպանիայում:
«Շատ երջանիկ եմ։ Սա երազանք էր և նպատակ միևնույն ժամանակ. խաղալ աշխարհի ուժեղագույն լիգաներից մեկում՝ Իսպանիայում։ Այժմ ամեն ինչ անելու եմ, որպեսզի օգնեմ ակումբիս՝ հասնելու մեծ նվաճումների։ Չգիտեի, որ Հայաստանը ներկայացնող առաջին ֆուտզալիստն եմ, ով հանդես է գալու Իսպանիայի Պրիմերայում։ Առավել քան հպարտ եմ, որ իմ խաղով ներկայացնելու և բարձր եմ պահելու Հայաստանի պատիվը»,- ՀՖՖ պաշտոնական կայքի հետ զրույցում կիսվել է իր տպավորություններով՝ նշել է Ֆուտզալի Հայաստանի ազգային հավաքականի դարպասապահը:
