16.02.2026 | 11:50
Գարեգին Բ-ին առաջադրված մեղադրանքը կապված է եպիսկոպոսաց առաջիկա ժողովի հետ. Տիգրան Աբրահամյան․ ՏԵՍԱՆՅՈՒԹ
Հնդկաստանում մեկնարկում է շախմատի համաշխարհային 44-րդ օլիմպիադան
28.07.2022 | 13:59
Հայ շախմատիստները մեկնել են Հնդկաստանի Չեննայ քաղաք՝ մասնակցելու հուլիսի 28-ից օգոստոսի 10-ն անցկացվելիք շախմատի համաշխարհային 44-րդ օլիմպիադային:
Տղամարդկանց պայքարում Հայաստանը կներկայացնեն Գաբրիել Սարգսյանը, Հրանտ Մելքումյանը, Սամվել Տեր-Սահակյանը, Մանուել Պետրոսյանն ու Ռոբերտ Հովհաննիսյանը: Թիմն առաջին անգամ հանդես կգա Արման Փաշիկյանի գլխավորությամբ: Հայաստանի հավաքականը 12-րդն է վարկանիշային աղյուսակում:
Զավեն Անդրիասյանի գլխավորած կանանց թիմի կազմում ընդգրկված են Էլինա Դանիելյանը, Լիլիթ Մկրտչյանը, Աննա Սարգսյանը, Մարիամ Մկրտչյանը և Սուսաննա Գաբոյանը: Մեր ընտրանին 9-րդն է վարկանիշային աղյուսակում:
Հայ գրոսմայստեր Լևոն Արոնյանն էլ ընդգրկված է վարկանիշային աղյուսակի առաջատար ԱՄՆ-ի հավաքականի կազմում:
Օլիմպիադայի առաջին տուրն անցկացվելու է հուլիսի 29-ին:
