09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Կապիկի ծաղիկի բռնկումն աշխարհում կարող է գագաթնակետին հասնել ամիսներ անց
Քաղաքականություն
27.07.2022 | 23:06
Կապիկի ծաղիկ հիվանդության բռնկումը կարող է հասնել գագաթնակետին ընդամենը մի քանի ամսից, իսկ հիվանդության տարածումը դադարեցնելու հնարավորություն գրեթե չկա։ Այս մասին հայտնում է Reuters գործակալությունը՝ վկայակոչելով Առողջապահության համաշխարհային կազմակերպության խորհրդատու գիտնականներին։
Երկու շաբաթը մեկ դեպքերի թիվը կրկնապատկվում է, հայտնել են նրանք։ Վերջին տվյալներով՝ 70 երկրներում գրանցվել է կապիկի ծաղիկի 17,8 հազար դեպք։ Մինչև օգոստոսի 2-ը 88 երկրներում ԱՀԿ-ն կանխատեսում է դեպքերի աճ մինչև ավելի քան 27 հազար։
Աշխարհի տարբեր երկրների գիտնականները հայտնել են, որ դժվար է կանխատեսումներ անել, սակայն վիրուսի տարածումն, ամենայն հավանականությամբ, կտևի մի քանի ամիս, հնարավոր է, ավելի երկար: Վիրուսի մշտական փոխանցումը կարող է հանգեցնել մուտացիաների, որոնք այն ավելի վարակիչ են դարձնում, մտահոգություն են հայտնում գիտնականները:
Տաթև Ֆռանգյան
