09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Չինաստանի բնակչությունը մինչև 2025 թվականը կնվազի
Քաղաքականություն
25.07.2022 | 15:17
Չինաստանում բնակչության թիվը կսկսի նվազել մինչև 2025 թվականը։ Այս մասին հայտարարել է Առողջապահության ազգային հանձնաժողովի բնակչության և ընտանիքի հարցերի դեպարտամենտի ղեկավար Յան Վենչժուանը, գրում է Global Times-ը։
Նշվում է, որ 2021 թվականին Չինաստանի մի քանի նահանգներում վերջին տասնամյակների ընթացքում ամենացածր ծնելիությունն է գրանցվել։ Կենտրոնական Հունան նահանգում, օրինակ, ծնունդների վերջին 60 տարվա ընթացքում առաջին անգամ պակաս է եղել 500 հազարից: Հենան նահանգում 1978 թվականից ի վեր առաջին անգամ գրանցվել է 800 հազարից պակաս ծնունդ, իսկ արևելյան Չինաստանի Ցզյանսի նահանգում ծնունդները 1950-ականներից ի վեր առաջին անգամ քիչ են եղել 400,000-ից:
Հիշեցնենք, որ Չինաստանն այս պահին աշխարհի ամենամեծ բնակչություն ունեցող պետությունն է՝ 1 մլրդ 450 մլն մարդ, երկրորդ տեղումն Հնդկաստանն է շուրջ 1 մլրդ 400 մլն բնակչությամբ։ ՄԱԿ-ը հայտարարել էր, որ 2022 թվականի նոյեմբերի 15-ին աշխարհի բնակչությունը կհասնի ութ միլիարդ մարդու։
Տաթև Ֆռանգյան
