20.11.2024 | 14:35
Շոու է, որով ապահովում է իր նվազող ռեյտինգը․ Նինա Կարապետյանցը՝ պաշտոնանկությունների մասին․ ՏԵՍԱՆՅՈՒԹ
ՌԴ ՊՆ-ն հաստատել է՝ Օդեսայի նավահանգստին հրթիռային հարվածներ է հասցրել
Քաղաքականություն
24.07.2022 | 19:59
Ռուսաստանի ՊՆ-ն հաստատել է, որ ՌԴ-ն Օդեսայի ուղղությամբ «Կալիբր» հրթիռներ է արձակել։ Այդ մասին Telegram-ում գրել է ՌԴ ԱԳՆ պաշտոնական ներկայացուցիչ Մարիա Զախարովան:
«Օդեսա քաղաքի ծովային նավահանգստում՝ նավաշինարանի տարածքում, ծովային գերճշգրիտ հեռահար հրթիռները նավամատույցում ոչնչացրել են ուկրաինական ռազմանավը և ԱՄՆ-ի կողմից Կիևին մատակարարված Harpoon հականավային հրթիռների պահեստը»։
Նախօրեին ուկրաինական կողմը հայտարարել էր, որ հուլիսի 23-ի առավոտյան Ռուսաստանը հրթիռային հարվածներ է հասցրել Օդեսայի նավահանգստին։
Թուրքիայի պաշտպանության նախարար Հուլուսի Աքարը հայտարարել էր, որ ռուսական կողմն Անկարային տեղեկացրել է, որ ոչ մի կապ չունի հարվածի հետ։ Միևնույն ժամանակ Թուրքիայի ՊՆ-ում մտահոգություն էին հայտնել միջադեպի կապակցությամբ:
ՄԱԿ-ի գլխավոր քարտուղարի ներկայացուցիչ Ֆարհան Հաքը հայտարարել էր, որ Անտոնիու Գուտերեշը միանշանակ դատապարտում է Օդեսայի նավահանգստի շրջանում հրթիռային հարվածը:
Ուկրաինայի նախագահ Վլադիմիր Զելենսկին արձագանքել էր Օդեսայի նավահանգստին հասցված հրթիռային հարվածին՝ ընդգծելով, որ դա վկայում է Ռուսաստանի՝ նախօրեին ստորագրված հացահատիկի համաձայնագիրը չկատարելու պատրաստակամության մասին։
