19.08.2026 | 17:38
Ֆերան Տորեսը «Բարսելոնայի» 5-րդ ամենաթանկ վաճառքն է. ՏԵՍԱՆՅՈՒԹ
Զելենսկին արձագանքել է Օդեսայի նավահանգստին հասցված հրթիռային հարվածին
Քաղաքականություն
23.07.2022 | 20:09
Ուկրաինայի նախագահ Վլադիմիր Զելենսկին արձագանքել է Օդեսայի նավահանգստին հասցված հրթիռային հարվածին՝ ընդգծելով, որ դա վկայում է Ռուսաստանի՝ նախօրեին ստորագրված հացահատիկի համաձայնագիրը չկատարելու պատրաստակամության մասին։ Այս մասին նա խոսել է Ամերիկայի Միացյալ Նահանգների զինված ուժերի կոմիտեի ղեկավար Ադամ Սմիթի գլխավորած Կոնգրեսի Ներկայացուցիչների պալատի պատվիրակության հետ հանդիպման ժամանակ, հայտնում է Ուկրաինայի նախագահի մամուլի ծառայությունը։
«Սա վկայում է միայն մեկ բանի մասին. Ռուսաստանը ինչ էլ ասի ու խոստանա, կգտնի այն չկատարելու ուղիները։ Աշխարհաքաղաքական առումով՝ զենքով, արյունով, թե ոչ, բայց Ռուսաստանն ունի մի քանի վեկտոր, ինչպես միշտ գործում է»,- ասել է նախագահն ԱՄՆ կոնգրեսականների հետ հանդիպմանը։
Ավելի վաղ ուկրաինական կողմը հայտարարել էր, որ հուլիսի 23-ի առավոտյան Ռուսաստանը հրթիռային հարվածներ է հասցրել Օդեսայի նավահանգստին։
Թուրքիայի պաշտպանության նախարարությունն արձագանքել է Օդեսայի նավահանգստին հրթիռային հարվածին։
Գերատեսչության ղեկավար Հուլուսի Աքարի խոսքով՝ ռուսական կողմն Անկարային տեղեկացրել է, որ ոչ մի կապ չունի հարվածի հետ։ Միևնույն ժամանակ Թուրքիայի ՊՆ-ում մտահոգություն են հայտնել միջադեպի կապակցությամբ:
ՄԱԿ-ի գլխավոր քարտուղարի ներկայացուցիչ Ֆարհան Հաքը հայտարարել է, որ Անտոնիու Գուտերեշը միանշանակ դատապարտում է Օդեսայի նավահանգստի շրջանում հրթիռային հարվածը:
