07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Գիտնականները ստեղծել են արտասովոր նյութ, որում ժամանակը «երկչափ» է
Հասարակություն
22.07.2022 | 11:34
Գիտնականներին հաջողվել է ստանալ նյութի նոր վիճակ, որում ժամանակը երկու հարթության ունի, գրում է Independent-ը։ Ժամանակի մեջ «լրացուցիչ» հարթության ստեղծումը կարող է փոխել նյութի մասին մեր պատկերացումները, ինչպես նաև օգնել ստեղծել քվանտային համակարգիչներ, որոնք, ըստ ուսումնասիրությունն իրականացրած գիտնականների, իրենք կարող են փոխել աշխարհը: Այդ ուշագրավ հատկությունը բացահայտվել է լազերի միջոցով քվանտային համակարգչի ատոմների ներսում:
Ըստ փորձն իրականացրած գիտնականների՝ նյութի անսովոր վիճակում ժամանակը թեև երկչափ է, բայց դեռևս հոսում է մեկ ուղղությամբ։ Գիտափորձի արդյունքներն ամփոփող հոդվածը հրապարակվել է Nature ամսագրում: Նյութի անսովոր վիճակը կարող է առանցքային նշանակություն ունենալ այն գիտնականների համար, ովքեր փորձում են հուսալի քվանտային համակարգիչներ ստեղծել: Նոր տեխնոլոգիան կարող է փոխել աշխարհը՝ հնարավորություն տալով այնպիսի հաշվարկներ կատարել, որոնք նախկինում գործնականում անհնարին կլինեին:
