22.04.2026 | 11:36
Թրամփը հայտարարել է, թե Հորմուզի նեղուցի շրջափակման վերացումը վերջ կդնի գործարքի հնարավորություններին
Ֆրանսիայի Սենատը վավերացրել է Ֆինլանդիայի և Շվեդիայի ՆԱՏՕ-ի անդամ դառնալու մասին համաձայնագիրը
Քաղաքականություն
21.07.2022 | 16:53
Ֆրանսիայի Սենատը հինգշաբթի օրը քվեարկել է ՆԱՏՕ-ում Ֆինլանդիայի և Շվեդիայի անդամակցության մասին համաձայնագրի վավերացման օգտին։
Փաստաթղթերի հաստատմանը կողմ է քվեարկել 323 սենատոր, դեմ՝ 17, ձեռնպահ՝ 8-ը։
Ֆրանսիայի արտաքին գործերի նախարար Քեթրին Կոլոնան ողջունել է հյուսիսային երկու երկրների՝ ՆԱՏՕ մտնելու վերաբերյալ Սենատում քվեարկության արդյունքները։ «Այս երկու երկրների (ՆԱՏՕ-ին) անդամակցությունը կամրապնդի մեր հավաքական անվտանգությունը»,- գրել է նա Twitter-ում։
Հիշեցնենք, որ ավելի վաղ էլ Միացյալ Նահանգների Կոնգրեսի Ներկայացուցիչների պալատն էր հավանություն տվել Ֆինլանդիայի և Շվեդիայի՝ ՆԱՏՕ- ին անդամակցելուն աջակցող բանաձևին
Սկանդինավյան երկու երկրները ՆԱՏՕ-ին անդամակցելու հայտ էին ներկայացրել մայիսի 18-ին։ Դիմումների քննարկումն արգելափակվել էր Թուրքիայի կողմից, սակայն Անկարան ավելի ուշ հրաժարվել էր իր առարկություններից։ Հունիսի 29-ին դաշինքի ղեկավարությունը որոշել է երկրներին հրավիրել անդամակցել դաշինքին։
Տաթև Ֆռանգյան
