22.04.2026 | 11:28
Թուրքիայում ռազմական ուղղաթիռ է կործանվել
ԱՄՆ Ներկայացուցիչների պալատը կողմ է քվեարկել Շվեդիայի և Ֆինլանդիայի՝ ՆԱՏՕ-ին անդամակցությանը․ The Hill
Քաղաքականություն
19.07.2022 | 11:34
Միացյալ Նահանգների Կոնգրեսի Ներկայացուցիչների պալատը երկուշաբթի օրը հավանություն է տվել Ֆինլանդիայի և Շվեդիայի՝ ՆԱՏՕ- ին անդամակցելուն աջակցող բանաձևին, հայտնում է The Hill-ը։
Բանաձևը հաստատվել է 394 կողմ ձայներով։ Դեմ է քվեարկել 18 պատգամավոր, բոլորը Հանրապետական կուսակցությունից։
Փաստաթղթով ողջունվում է ՆԱՏՕ-ին միանալու Ֆինլանդիայի և Շվեդիայի որոշումը և կոչ է արվում Հյուսիսատլանտյան դաշինքի անդամ երկրներին պաշտոնապես աջակցել նրանց անդամակցությանը։
Ավելի վաղ՝ հունիսի 9-ին, ԱՄՆ Սենատի արտաքին հարաբերությունների հանձնաժողովը հավանություն էր տվել բանաձևին, որը կոչ էր անում ՆԱՏՕ-ին հնարավորինս արագ ապահովել Ֆինլանդիայի և Շվեդիայի՝ դաշինքին անդամակցությունը։ Դա պաշտոնապես տեղի կունենա այն ժամանակ, եերբ ՆԱՏՕ-ի անդամ բոլոր անդամ երկրների կողմից անդամակցության արձանագրությունները վավերացվեն։ ՆԱՏՕ-ի գլխավոր քարտուղար Յենս Ստոլտենբերգը նշել է, որ գործընթացը կարող է տևել մի քանի ամիս։
Սկանդինավյան երկու երկրները ՆԱՏՕ-ին անդամակցելու հայտ էին ներկայացրել մայիսի 18-ին։ Դիմումների քննարկումն արգելափակվել էր Թուրքիայի կողմից, սակայն Անկարան ավելի ուշ հրաժարվել էր իր առարկություններից։ Հունիսի 29-ին դաշինքի ղեկավարությունը որոշել է երկրներին հրավիրել անդամակցել դաշինքին։
Տաթև Ֆռանգյան
