13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Չավուշօղլուն Հայաստանից «խաղաղության կոնկրետ քայլեր է ցանկանում տեսնել»
Քաղաքականություն
21.07.2022 | 13:27
Թուրքիայի ԱԳ նախարար Մևլութ Չավուշօղլուն TRT Haber-ի հետ հարցազրույցում անդրադարձել է նաև Հայաստանի հետ հարաբերությունների կարգավորմանը։ Թուրքական լրատվականների հաղորդմամբ՝ Չավուշօղլուն հիշեցրել է, որ Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել ՀՀ վարչապետ Նիկոլ Փաշինյանի հետ։
«Հարավային Կովկասում մենք խաղաղություն ու կայունություն ենք ուզում։ Ղարաբաղի հաղթանակից հետո Ադրբեջանի պահանջներն ակնհայտ են։ Բանակցություններ են եղել նաև Ադրբեջանի և Հայաստանի միջև։ Մեկը սահմանների, մյուսը՝ խաղաղության պայմանագրի բանակցություններ սկսելու։ Ուղերձներ կան, սակայն երբ գալիս ենք կոնկրետ քայլերի, Հայաստանից այդպիսիք չենք տեսել։ Հայաստանի վարչակազմը պետք է կոնկրետ քայլեր ձեռնարկի խաղաղության ուղղությամբ։ Միայն խոսքերը բավարար չեն»,-ասել է Չավուշօղլուն՝ հիշեցենելով, որ Անկարան բոլոր քայլերը համակարգում է Բաքվի հետ և որ «Ադրբեջանի հետ մեկ ազգ, երկու պետություն են»։
Էմմա Չոբանյան
